11 maeter HellingTrekke op zondaag 7 fibberwarie 2027
Veur de 3e kier op vastelaoveszondaag in ’t centrum van Bliërick.
Op de Helling beej brasserie Sur Meuse gaon teams HellingTrekke. Ein ludieke aktiviteit die zoéwaal veur deilnemers as kiékers ein spektakel is. Teams bestaon oét 4 persoéne. Um mei te doon môsse dich aanmelde. Mit ein startbewiés kinse deilneme. We starte offisjeel um 16.30 oor.
Waorum se dit neet wils misse?
✓ Op ein historische en unieke plek in centrum Bliërick
✓ Eine sjieke wisseltrofee veur 't winnende team
✓ Ein ludieke aktiviteit metein nao d'n Groëte optoch
✓ 11 teams doon mei, wao-onder de prins en de Nar 2027
✓ D'r zien lokale artieste, 'nne plaetjesdreier en ein joekskapel
✓ De entree is gratis, want 't is oppe straot
Meld dich aan mit 4 persoëne
. *Weej gebroéke dees gegaeves allein veur de organisatie van ’t HellingTrekke 2027. Deilname op eige risico!
Good um te weite
We organisere dees aktiviteit veur de 3e kier. ’t HellingTrekke wuurt ondersteund door de Wortelepin en De 3-kes. ’t Wortelepinne-trio 2027 en de Groët Venloosche Nar zulle as iërste deilneme aan ’t HellingTrekke.
De bedoeling is desse mit 4 persoéne op ein skippyslang zoé snel meugelik nao de bel geis. Die hangt 11 maeter vaerderop. ’t Team mit de snelste tiéd is de winnaer. De iërste priés is ‘nne prachtige wisseltrofee, iëuwige roem en ein klep mit de organisasie um te prooste op de euverwinning. D’r kinne in totaal 11 teams meidoon.
We beginne metein nao de Groëte optoch. De offisjele äöpening steit gepland rond 16.30 oor. Naeve ’t wedstriédelement en de priésoétreiking hebbe we onder andere de winnende liedjes van Bliërick, waere d’r plaetjes gedreid en is joekskapel Och Nae Toch aanwezig um de sfeer te verhoége.
We beginne um 16.30 oor metein mit ein optraeje um de stumming d’r metein in te kriege.
HellingTrekke wuurt mei meugelik gemak door
Mier initiatieve van Blauwe Vastelaovend
SPAN
Vanaaf 2019 vindt op de vriédaag veur vastelaovend in ’t Raodhoes ’t jeugdevenement ‘SPAN, Groët-Bliërickse jeughoéghede’ plaats.
Aan de Maas
De ‘Blerickse Business Borrel Aan De Maas’ vindt op de letste vriédaag van juni plaats beej brasserie Sur Meuse. Sinds 2023.
Inzaegene
In 2022, 2023 en 2024 hebbe we ’t Inzaegene georganiseerd. Optochdeilnemers en -kiekers woorte door pastoér Rijo Muprappallil ingezaegend.
Doornaeve hebbe weej in 2016, veuraafgaond aan ’t BCL-Treffe, de expositie ‘Vastelaovend in Beeld‘ georganiseerd in ’t Raodhoes. En we ware initiatiefnemer van de Hap & Stap Route 77 ter gelaegeheid van ’t jubileumbeer van de Wortelepin. Stichting Blauwe Vastelaovend is sinds 2026 auk betrokke beej vastelaovesdinsdaagaovend: ‘Straks is ’t weer Aswoensdaag, de letste drinkse in Bliërick’. Truujverbörre, veurwerkshow aan de Maas en ’t assekruutske in ’t Raodhoes.
Hes dich ein vraog aan stichting Blauwe Vastelaovend? Neem dan kontak op mit Sander Mattheijssen via info@blauwevastelaovend.nl
Stichting Blauwe Vastelaovend is donderdaag 17 december 2015 opgerich.
